ᐱᒍᓐᓇᓯᕙᓪᓕᐊᑕ!

ᐱᑦᔪᑎᖃᓪᓚᕆᑦᓱᓂ ᐊᔭᐅᕐᑕᖅ ᐃᓄᐃᑦ ᐃᓪᓗᓕᐅᕐᑎᐅᓂᕐᒧᑦ ᑯᐊᐸᖓ ᓄᓇᕕᒻᒥ

“ᐃᑲᔪᕐᑎᒌᖑᕗᒍᑦ”

2023-ᒥᓂᑦ, ᐃᑲᔪᖃᑎᒌᑦᓱᑕ ᐱᕈᕐᓭᓯᒪᓕᕐᖁᒍᑦ ᑯᐊᐸᑦᑎᓂᒃ, ᐊᑕᐅᓯᐅᓈᕐᑎᑐᑎᒍᑦ ᐱᓇᓱᐊᕐᓂᐅᔪᑎᒍᑦ

ᑯᐊᐸᐅᕗᒍᑦ ᐃᓪᓗᓕᐅᕐᓂᖅ ᐱᒍᑦᔨᒍᑎᐅᑎᓪᓗᒍ ᑐᖕᖓᕕᒋᔭᐅᑦᓱᓂ ᐊᑕᐅᓯᐅᓕᖓᓂᑦᑎᓄᑦ

RBQ-ᑯᑎᒍᑦ ᐱᔪᓐᓇᐅᑎᓕᒃ ᑯᐊᐸᒃ

ᑯᐯᒃᑯᑦ ᐃᓪᓗᓕᐅᕐᓂᒧᑦ ᑎᒥᖁᑎᖓᒍᑦ ᐊᓪᓚᑕᐅᓯᒪᐅᑎᓕᓐᓂᒃ ᐃᑲᔪᕐᑎᖃᕐᑐᒍᑦ ᐱᓇᓱᐊᓪᓚᕆᓲᓂᒃ ᐃᖃᔪᕐᓱᑎᒃ ᓄᓇᓕᑦᑎᓂᒃ. ᑌᒣᓗᕐᓱᑕ ᓱᖑᔪᑦᓯᐊᓂᒃ ᐱᓇᓱᐊᕐᓂᖃᕐᑐᒍᑦ ᑕᑯᓐᓇᓂᒃᑯᑦ ᐃᓕᓐᓂᐊᑎᑦᓯᓂᖃᕐᓱᑕ.ᑕᒪᓐᓇᓗ ᑲᔪᓯᑦᓯᐊᑐᖅ!

ᓯᕗᓪᓕᐅᔨᓂᖅ ᓄᓇᓕᐅᑉ ᑭᖕᖑᒪᒋᔭᖏᓐᓂᒃ

ᐅᓪᓗᐃᑦ ᐃᓚᖏᓐᓂ, ᐋᕐᕿᓱᐃᕙᑦᑐᒍᑦ ᐃᓪᓗᓂᒃ. ᐃᓚᖏᓐᓂ, ᐱᐅᒃᑯᑎᓕᕆᓯᕙᑦᓱᑕ ᐃᓂᐅᔪᓕᕆᓯᕙᑦᓱᑕᓗ. ᐅᐸᐅᑎᕙᑦᑐᒍᑦ ᓄᓇᓕᑦᑎᓄᑦ ᑭᖕᖑᒪᒋᔭᐅᓕᑐᐊᕋᑦᑕ.

ᐱᒍᓐᓇᓯᕙᓪᓕᐊᖃᑎᒌᑉᐳᒍᑦ!

ᐱᓇᓱᐊᖃᑎᒌᑐᐃᓐᓇᔭᖏᓪᓚᒍᑦ. ᐱᓇᓱᐊᕐᕕᕗᑦ ᐃᓂᐅᕙᑦᑐᑦ ᑲᒪᒋᐅᑎᑦᓯᐊᕕᐅᑦᓱᑎᒃ, ᐱᕙᓪᓕᐊᕕᐅᑦᓱᑎᒃ, ᐱᒍᓐᓇᓯᕙᓪᓕᐊᕕᐅᑦᓱᑎᓪᓗ. ᐱᓇᓱᐊᕈᓯᕐᓂ ᐃᑭᑦᑐᐊᐱᓐᓂ, ᐃᑉᐱᒍᓱᓕᕋᔭᕐᑐᑎᑦ ᓱᖑᔪᑦᓯᐊᓄᑦ ᐃᓕᒋᔭᐅᓕᕆᐊᖅ ᐃᑲᔪᖃᑎᒌᑦᑐᓄᑦ, ᖃᐅᔨᒪᔭᒥᓂᓪᓗ ᑐᑭᓯᒪᔭᐅᑎᑦᓯᔪᓄᑦ ᐃᓕᓐᓂᐊᓗᓯᓗ ᐱᓇᓱᐊᕐᓂᑯᑦ.

“ᐃᓚᐅᔫᑦᓱᑕ, ᑐᓴᕐᑕᐅᓂᖃᑦᓯᐊᑐᕆᕗᒍᑦ ᐅᐱᒋᔭᐅᑦᓱᑕᓗ ᓴᓇᓂᐅᔪᓕᒫᑎᒍᑦ, ᐊᓕᐊᓇᕐᑑᓱᓂᓗ ᐱᓇᓱᐊᕐᑕᕗᑦ. ᐃᓕᕐᕈᓯᕗᑦ ᐃᓕᑦᓯᒍᑎᒋᓯᒪᒐᑦᑎᒍᑦ ᐊᒥᕐᖄᓂᐅᑉ ᐱᒻᒪᕆᐅᓂᖓᓂᒃ ᐱᓇᓱᐊᖃᑎᒌᒋᐊᖃᕐᓂᒥᓪᓗ, ᑕᒪᓐᓇᑕᒐ ᐱᓇᓱᐊᕈᑎᕗᑦ ᐃᑲᔪᕐᑎᒌᒃᑯᓂ ᓄᐃᕙᑦᑐᖅ ”

ᔮᓂ ᓵᓐᑕ

ᐃᓚᐅᔪᖅ-ᐱᓇᓱᐊᕐᑎ ᐃᑲᔪᕐᑎᒌᒃᑯᓂ

ᐃᒻᒥᓂᕐᓱᓂᕐᒧᑦ ᑮᓇᐅᔭᑎᒍᓪᓗ ᐱᕈᕐᐸᓕᐊᓂᕐᒧᑦ ᑐᕌᕐᓂᖅ

ᑎᓕᔭᐅᒪᐅᑎᕗᑦ ᐃᑲᔪᕐᓯᕗᖅ ᓄᓇᕕᐅᑉ ᓇᒻᒥᓂᕐᓱᕈᒪᓂᕐᒧᑦ ᐊᐅᑦᔭᕙᓪᓕᐊᒐᓱᐊᕐᓂᖓᓂᒃ. ᓄᐃᑎᕆᕗᒍᑦ ᐱᓇᓱᒐᓪᓚᕆᓐᓂᒃ ᑐᖕᖓᕕᓕᕐᑐᐃᓱᑕᓗ ᓲᖑᔪᑦᓯᐊᒥᒃ ᓯᕗᓂᕐᒥᒃ. ᐱᓇᓱᐊᖃᑎᕗᑦ ᐃᓚᒋᑦᓱᒋᑦ, ᐱᕈᕐᓭᖃᑎᐅᕗᒍᑦ ᓄᓇᓕᐅ ᑮᓇᐅᔭᑎᒍᑦ ᐱᒍᓐᓇᓯᕙᓪᓕᐊᓂᑦᓴᖓᓂᒃ ᐱᕕᑦᓴᖃᕐᕕᐅᒍᓐᓇᑐᓂᓪᓗ ᓄᓇᕕᒻᒥᐅᑉ ᓄᓇᓕᖏᓐᓄᑦ ᓄᐃᑎᕆᑦᓱᑕ.

ᐅᐱᕆᔭᐅᒍᓐᓇᓯᐊᕐᑐᑦ ᐱᓇᓱᐊᖃᑎᕗᑦ

ᖃᐅᔨᒋᐊᕐᕕᖃᕆᑦᓯ ᐅᕙᑦᑎᓂᒃ!

ᐊᐱᕆᐅᑎᒥᒃ ᒥᑭᔪᕐᑕᖃᖕᖏᓚᖅ. ᐊᓪᓚᕕᖃᕆᑦᓯ ᐅᕙᑦᑎᓂᒃ ᑭᐅᖃᑦᑕᓚᖓᕗᒍᑦ.